Madaxweynaha dalka oo ku baaqay in horumarka dalka laga shaqeeyo
Xasan Sheekh Maxamuud Madaxweynaha dalka Soomaaliya ayaa wuxuu sheegay in hadii lagawada shaqeeyo xal uhelida dalka Soomaaliya laga baxayo dhibaatada mudada dheer soo martay dalka Soomaaliya.
Madaxweynaha ayaa wuxuu sheegay in dalka Soomaaliya uu yahay mid ballaaran islamarkaana hadii Odayaasha Soomaaliyeed iyo sidoo kale dhalinyarada ku nool dalka dhamaantood ay uwada dhaqaaqaan sama ka talinta dalka wax waliba ay noqonayaan kuwa hagaaga.
“Hadii Soomaali oo dhan ay gacmaha isqabsadaan waxaan filayaa in lagaari karo horumar ballaaran oo uu dalka gaaro marka Soomaaliyeey aan kawada shaqeyno horumarka dalka”
Madaxweynaha dalka Soomaaliya ayaa sheegay in hada marxalada dalka Soomaaliya uu ku jiro laga gudbayo loona gudbayo marxalad ka wanaagsan tii muddada 20-sano aheyd uu dalka soo maray.
Dalka Soomaaliya ayaa wuxuu muddo 21-sano ah kusoo jiray dagaal sokeeye dhinackastaba haku yimaadee, iyadoo hada marxalada la taagan yahay dad badan ay rajo ka muujinayaan in laga baxo dhibaatada.
