Odayaashii dhaqanka Soomaaliyeed ee sooxulay Baarlamaanka cusub ee Dalka Soomaaliya ee haatan shaqeenaya ayaa maanta waxaa kulan qado sharaf ah u sameeyay Madaxweynaha Jamhuuriyada Fadaralka Soomaaliya Prof Xasan Sheekh Maxamuud.
Madaxweynaha dalka Soomaliya ayaa waxa uu kulan kaan kula qaatay Odayaasha dhaqanka Soomaaliyeed isagoona ku casuumay xarunta Madaxtooyada Villa Soomaaliya halkaasoo ay dhamaantooda kuwada qaateen kulan qado sharaf ahaa waxaana islamarkaana goobta ay ka dhaceysay qado sharaftaan uu ku sugnaa Ra’iisul Wasaarahii hore ee xukuumadii waqtigeeda uu dhamaaday.
Ra’iisul Wasaaraha xukuumadda waqtigeeda uu dhamaaday C/wali Maxamed Cali Gaas halkaasi kahadlay ayaa waxa uu sheegay in uu umahadcelinaayo Odayaasha Dhaqanka Soomaaliyeed howlihii adkaa oo ay kasameeyeen amaba ay ka qabteen Dalka Soomaaliya.
Waxaana isna halkaasi kahadlay Madaxweynaha dalka Soomaaliya Xasan Sheekh Maxamuud oo ku cel celiyay mahad celinta Odayaasha dhaqanka Soomaaliyeed howlihii ay dalka kasoo qabteen awgeed.
Madaxweyne Xasan Sheekh ayaa ku tilmaamay Odayaasha dhaqanka inay la mid yihiin dhalinyaradii 13-ka ahaa SYL ee usoo halgamay gobanimo doonka Soomaaliya.
waxaana uu sheegay Madaxweynaha Soomaaliya in wax wanaagsan oo lagu amaano ay tahay Odayaasha waxii ay kasoo qabteen dalka Soomaaliya waxaana uu tilmaamay in haatan uu soo idlaaday wajiga koowaad ee Shaqada dalka Soomaaliya ay soo idlaatay haatan waxaana uu intaa raaciyay in haatan oo kalauyah ay dhimantahay wajiga labaad ee howsha qaranka.
