Saraakiisha Ciidanka Dowladda oo sheegay in ay Sida ugu dhaqsaha badan ay ku qabsan doonan Magaalada Jowhar
Cornel:Maxamed Maxamuud Saneey oo kamid ah Saraakiisha horbeedeysa Ciidanka Dowladda Soomaaliya ee Dhanka Gobolka Shabeelada Dhexe oo la haldalay Idaacaddaha Magaalada Muqdisho ayaa waxaa uu sheegay in ay sida ugu Dhaqsaha badan gaari doonaan Magaalada Jowhar ee Xarunta Gobolkaasi.
Waxaa uu sheegay in Ciidamada Dowladda iyo kuwa AMISOM oo iskaashanaya ay dhawaan gaari doonaa Magaalo Madaxda Gobolka Shabeelada Dhexe ee Jowhar isagoo sheegay in xitaa Jowhar aaney ku Ekaan doonin Basle ay gaari doonaan Degmada Mahadaay iyo Degaanno badan oo Gobolkasi ka tirsan .
Sidoo kale Corneel Saneey waxaa uu tilmaamay in Saxaafadda ay u soo bandhigi doonaan markii ay gaaraan Magaaladaasi isla markaasina Waqtiyada soo aadan ay ku tilaabsan doonaan Qabsashada Magaaladaasi oo uu sheegay in aaney jirin cid haatan gacanta ku heysa.
Magaalada Jowhar ee Xarunta Gobolka Shabeelada Dhexe waxaa gacanta ku haya Ururka al-shabaab oo dagaal kula jira Ciidamada Dowladda iyo kuwa Amisom waxaana Saraakiisha Dowladda dhow jeer oo hore ay sheegeen in ay la wareegi doonaan
