Xariir Gadhweyne oo munaasibadaasi hadalo kasoo jeedeyey ayaa xusay in ay jiraan sababo ku kalifay is casilaadiisa oo ay ugu horaysa kala fogaanta dheer ee dhanka siyaasada ah ee u dhaxaysa Maamulka Somaliland iyo dadka deegaanka, iyo sidoo kale arimo la xidhiidha dhanka caafimadkiisa, isagoona sheegay inta ka hadhsan wakhtigiisa inuu ku lumin doono cibaado iyo alle ka cabsi.
Sidoo kale waxaa iyana soo dhoweeyey is casilaadiisa Madaxda Maamulka khaatumo ee kasoo galay munaasibadani, iyo waxgaradka Deegaanka Buuhoodle sheegay in ay tahay guul u soo hoyatay umadda reer khaatumo.
Isku soo wada duuboo is casilaadani uu is casilay xariir gadhweyne ayaa qayb ka ah dadaalo dhowr ah oo ay waday beesha uu kasoo jeedo xariir kuwaas oo ahaa in uu xariir uu ka tago jagadaasi maadaama Deegaanada Sool, Sanaag, iyo Cayn uu ka arimo Maamulka Khaatumo State oo ay dadkuna taageersan yihiin isaga.
