Safarka Taliyaha Booliiska ayaa ah mid ay ku soo qaadanayaan Duruus la xidhiidha Arrimaha Booliiska iyo Aqoon korodhsi kale oo dhinaca Amaanka Khuseeya maadaama Dawladda Ingiriiska Somaliland ka caawiso dhinacyada Tababarada iyo kaabayaasha kale ee dhinaca Qalabka ah.
Taliyaha Ciidanka Booliiska Somaliland C/laahi Fadal Iimaan oo u waramay Saaffifilms ka hor intii aanu Hargeysa saaka ka ambabixin ayaa yidhi “ Haa, Ingiriiska ayaanu ku sii jeednaa, aniga iyo Saraakiil kale oo Booliis ahiba” ayuu yidhi. Waxaanu raaciyay “waxaanu u tagaynaa uun arrimo la xidhiidha Booliiska, waana Aqoon korodhsi iyo sidii Cilaaqaadka iyo arrimaha Farsamo ee Amni aanu iska kaashan lahayn Dalka Ingiriiska” ayuu raaciyay.
C/laahi Fadal Iimaan waxa uu intaas ku daray mar aanu weydiinay muddada uu maqnaanayo “ waxaan filayaa toddobaad inay qaadan doonto, kadibna aanu soo noqon doono, hore Saraakiil ka tirsan Booliisku way u tageen, kana waxa uu daba socdaa uun kuwaas waana arrin muhiim ah oo Booliisku Aqoon ka korodhsanayo” ayuu yidhi
