Caalin oo la filayo inuu gaaro Galkacyo, xilkana uu wareejiyo
Madaxweynaha Maamulka Galmudug Maxamed Axmed Caalin ayaa lagu wadaa maalmaha soo socda inuu dib ugu soo laabto magaalada Galkacyo ee xarunta gobbolka Mudug.
Maxamed Salaad oo kamid ah maamulka uu hoggaaminayey Madaxweyne Caalin ayaa saxaafada u xaqiijiyey in Madaxweyne Axmed Maxamed Caalin uu soo gaari doono Magaalada Galkacyo, islamarkaana waxa uu xusay inuu kulamo la qaadan doono Odayaasha, Siyaasiyiinta iyo Waxgaradka u dhashay deegaanada Galmudug.
Sarkaalka ayaa tilmaamay in kulamadaasi uu la qaadan doono Caalin la rajeynayo in natiijo wanaagsan ay ka soo baxaan islamarkaana natiijadaasi kadib la filayo inuu xilka ku wareejiyo madaxweynaha cusub ee Galmududg Cabdi Xasan Cawaale (C/Qeybdiid).
Doorashada dhawaan ka dhacday Magaalada Galkacyo qeyb ay Galmudug ka maamusho ayaa lagu doortay C/Qeydiid inuu noqdo Madaxweynaha cusub ee Galmudug iyadoona Madaxweyne Caalin uu doorashadaasi ku tilmaamay sharci daro, isaguna uu wali yahay Madaxweynaha Maamulka Galmudug.
