Nin dilay Sodohdiis iyo Seediyaashiis, kadib markii ay u diideen in uu ku laabto xaaskiisii uu furay.
Gudaha magaalada Muqdisho ayaa dhowaan lagu dilay qoys ka kooban shan qofood, halka qof kalena la sheegay in uu dhaawac soo gaarey.
Arrintan ayaa la sheegay in uu geytay nin Qoyska gabar ka qabay, waxaana la sheegay in dadka geeriyoodey ay isugu jireen Sodohda gabadha dhashay, sedex caruur ah oo ninka seediyaashiis ahaa iyo hal gabar oo dumaashidii ahayd.
Ninka falkani geystay ayaa ka caroodey, kadib markii qoyska ay u diideen in uu ku laabto xaaskiisii hore oo la sheegay in sedex dalqadood uu ku furay.
Ninka ayaa guriga yimid isagoo aad u careysan, isla markaasna dhowr xabadood ooda kaga qaadey qoyska oo guriga kuwada sugnaa, marka laga reebo xaaskiisii hore oo ka maqneyd guriga.
Arrintan ayaa noqotay tan ugu hadal heynta badan magaalada.
