WAR DEG DEG AH:- Ciidamo ka mid ah Al-shabaab oo ka kala cararay degmada Ceel-buur iyo ciidamada Itoobiya oo kaabiga ku haaya halkaasi.
Wararka haatan naga soo gaaraya degmada Ceel-buur ee gobalka Gal-gaduud ayaa waxay sheegayaan in ciidamada Xarakada Al-shabaab ay isaga kala carareen degmadaasi, waxaana la sheegayaa in degmadaasi ay ku dhaw yihiin ciidamada Itoobiya iyo kuwa Ahlu-sunna Waljameeca.
Dad goob joogayaal ah ayaa waxay inoo sheegeen in ciidamada Xarakada Al-shabaab ay badankooda si lama filaan ah gaadiidkooda ay u raaceen islamarkaana ay iska faarujiyeen saldhigyadii ay halkaasi kaga sugnaayeen.
Dhanka kale tiro yar oo ka mid ah ciidanka Al-shabaab ayaa la tilmaamay inay ku hareen duuleedka degmada Ceel-buur, hase ahaatee kuwaasi waxaa la sheegayaa in hal lug xitaa aysan ku taagneen.
Saraakiil ka mid ah Ahlu-sunna Waljameeca oo aynu la xiriirnay ayaa inoo sheegay inay ka go’an tahay sidii ay ula dagaalami lahaayeen ciidamada Xarakada Al-shabaab islamarkaana ay dib ugu qabsan lahaayeen degmada Ceel-buur ee gobalka Gal-gaduud.
