Rag indhaha soo duubtay oo nin rakaab ah gaari kala dagay Gobolka Gedo
Wararka ka’imaanaya Magaalada Garbagaarey ee Gobolka Gedo ayaa sheegaya in Rag indhaha u xiranyihiin ay Gaari Rakaab kala dageen Mustafe Jaamac Nuur oo kamid ah dadka ku dhaqan gobolka Gedo.
Markii gaariga Rakaabka ah uu soo gaaray deegaanka Bohosha Baxaroow ayaa la sheegay in Gaari Cabdi Bile ah oo meesha ku sugayay uu Joojiyay Kadibna rag indhaha u iranyihiin ay kala dageen Mustafe Jaamac Nuur oo Rakaabka kamid ahaa.
Gaariga cabdi bilaha ah ee ay Wateen Mileeshiyaadka ayaa Mustafe ula dhaqaaqay dhinaca Degmada Baardheere, waxaana la sheegaa in Degmada Baardheere ay ku yaalaan Saldhigyo gaar ah oo Al-Shabaab ay dadka ku xidhaan, lamana oga in halkaasi ay ku xireen iyo in kale.
