Dagaalka ayaa udhaxeeya kooxo burcad badeed somali ah waxaana uu bilowday galabta kadib markii la sheegay in la isku qabtay lamaane ajnabi ah afduub ay uheysteen burcad badeeda taasi oo sababtay in rasaas la isku adeegsado.
Iskahorimaadka ayaa waxa uu yahay mid kadambeeyey markii ajaanib afduub uheystaan burcad badeeda qaarkood la doonayey in laga badalo meesha lagu hayey oo suurtagal ay tahay baa la yiri in lasoo weeraro.
Deegaanka Gawaan oo ku dhaw Degmada Hobyo ee gobolka Mudug ayaa waxa si toos ah uga soconayaa dagaalka waxaana lagu soo waramayaa in afar qofood ay dhinteen afar kalena dhaawac soo gaaray.
Wali ma cada khasaaraha rasmiga maadaama uu dagaalka socda iyadoo dadka ku dhaqan agagaarka deegaanka lagu dagaalamayo ay soo sheegayaan in rasaas xoogan weli la maqlayo.
