Goolhayaha Chelsea Petr Cech Oo Qalliin Lagu Samaynayo Dhamaadka Xilli Ciyaareedka
Goolhayaha kooxda Chelsea Petr Cech ayaa waxaa uu dhaawac ka soo gaaray xusulka iyadoo qalliin loogaga samayn doono xaggaaga soo socda sida uu xaqiijiyey dhaqatarka xulka Czech Republic.
Kooxda haysata horyaalka Yurub ee Chelsea ayaa rajo ka qabta in uu Cech uu ciyaaro illaa iyo dhamaadka xilli ciyaareedka waxana ay ka codsadeen Czech Republic inay ka nasiiyaan kulamada saaxibnimo ee caalamiga ah.
Tabarabara Czech Michal Bilek ayaa ka aqbalay codsiga ay u soo bandhigeen kooxda Chelsea.
“Waan ka aqbalnay codsiga ay noo soo jeediyeen kooxda Chelsea, Petr marka uu taabto xusulkiisa waa uu ka damqanayaa, mararka qaarkoodna xanuun ayuu ku hayaa.
“Ma jiro wax laga walwalo. Mana aragno wax dhibaatada sii xumeyn kara oo soo gaaraya goolhayaha.
“Haddii uu xanuunku sii bato ayaa laga yaabaa in uu qalliin u baaahdo.”
Cech ayaa waxa uu hogaamiyay xulka Czech Republic ee sabtidii la ciyaaray xulka Denmark iyadoo ay ku kala baxeen barbaro 0-0, balse kulanka Talaadada ee saaxibtinimada ah ee ay la yeelanayaan xulka Finland ayaa la nasinayaa goolhaye Cech.
