|
Hadaan booqdo barigii
Farayare iyo dalab iyo
Inta ay badheedheen
Burco ay saluugeen
Baabkeeda laabeen
Baabuurka raaceen
Saxaraha dhex qadeen
Liibaya kaaboodeen
Bada dalaq yiraahdeen
Ilaaha baa bad baadshee
Haday bariga noorweey
Nabad ay ku bariyeen
Baryo meesha joogeen
Barafka u dul qaataan
Imtixaanka baaseen
Baasaaboorka qaateen
Galad Eebe weeyee
Bari aan fogeeynbaa
Burco ay yimaadeen
Bulshadii iyo barbaartii
Boqlaal u qaybsheen
Baryo jaadka qaadeen
Baabuur cad qateen
Burco maarka tuu tiri
Bari iyo galbeed iyo
Barbariyo hargeysiyo
Curdan buurihii shiikh
Ku baashaale galab hore
Baqareerka sheekada
Bayac baa xanaaqoo
Marayare usheegoo
Dhibo iyo huruusiyo
Takar iyo xusseen wacaf
Dabo abuu xaaraariyo
Jacada iyo xariiriyo
Janaayo iyo intii kale
Isku qaade Suudaan
Saxarahii balaadhnaa
Ku bariiste waagii
Wuxuu yiri Bidhaankii
Biwaaye bayacoow
Miyaan balad la gaadheeyn ?
Bankan aan dhamaaneen
Lagu sheegay saxaraha
Ma biyo la’aanbaa ?
Miyaan baadba laga helin?
Bisinkiyo subxaankee
Ma ban geeriyaad baa ?
Wuxuu yiri bayaan shuhu
Baala leeyda duushaa
Bidhaanteeda lama helo
Waa ban aan dhamaano
Waa badweeynta oo kale
Dhulka iyo cirkibaa
Cirafyada is haystoo
Bohol iyo hog weeyaan
Baabuur haduu jabo
Haduu beelo baasiin
Waa baaba’ab iyo hoog
Waa baylah iyo ciil
Basanbaas haduu jiro
Bartan buu dhex yaala !!
Wuxuu yiri bidhaankii
Biwaaye baafoow
Barrigaa ba boholee
Bad ween iiga sheeke ?
Wuxuu yiri bashaashkii
Badu waa balaayoo
Waa Biyo wareegoo
Bahalaa ku hoos jira
Barafbaa dul yeegagga
Boqolaal ka badanaaba
Badweentaas ka hoos maray
Bilaahay baan ku dhaartee
Hadaan moowle ini bixin
Halis baan ku sugnahay
Tala deeyda qaatoo
Alaa Deeqda Bixiyee
Toloow haba tahriibana
------------------------------------------------------------
W.D:
C/NAASIR AXMED QEYRE.{ABTIGA}
E-Mail:-koyla571@hotmail.com
------------------------------------------- |
